Jayez Wa Na-Jayez Taqleed

Bismillaahir Rahmaanir Raheem

NA-JAYEZ TAQLEED:

Allah ta’la ka Irshaad hai: “Isi tarah Hum ne Tujhse Pehle Jab Kisi Basti me Koi Daraane waala bheja to Waha’n ke Maal-daar Log Yehi Kehne Lage Humne Apne Baap Daad ko Ek Deen par paaya aur Hum to Unhi ke Naqsh-e-Qadam par chalenge.” [Surah Zukhraf: 23]

Is daleel ka Sahaara Wo lete hain Jo apne da’we ke Isbaat ke liye Koi aur Daleel Peish Nahi kar sakte. Lekin Aimma-e-Araba’h ke Muqallideen TAQLEED-E-MUJTAHID ke Ta’lluq se Aisi bodi Daleel hargiz Nahi Peish karte balke Qur’an wa Ahadees se Daleel dete hain par (Naam Nihaad) Ahle Hadees Khud se Ye Daleel Ahnaf ki taraf Mansoob kar ke Awaam ko Mughaaltah me daalte hain. Aise Jhooto’n par Allah ki La’nat ho..

Ghair-Muqallideen, Qur’an ki ba’z Matlab ki Aayaat par to Eimaan le aate hain par doosri Aayaat par Shayad Nahi, Isiliye to Doosri Aayaat ki Haqeeqat Nahi bayaan karte balke Apne FAREIB me Chhupa daalte hain..

Allah ta’la ne Aaba’ wa Ajdaad ki Na-Jayez Ittiba’ ki Wajah bhi Khol Khol kar bayan kar di hai.

Chunacha Irshaad-e-Baari Ta’la hai: “…..Kya Agar Unke Aaba’ wa Ajdaad Na Kuch Jaante ho aur Na hi Hidayat paane waale ho.? (Tab bhi Unki Pairvi Karenge.?)” [Surah Maa’idah: 104]

Allah ta’la Ek aur Maqaam par farmaate hain: “…..Kya Agar Unke Aaba’ wa Ajdaad Be-Aql aur Gumraah ho.? (Tab bhi Unki Pairvi Karenge.?)” [Surah Baqrah: 170]

Allah ta’la ne Yahan par Sharaa’it bayan Kar di hain ke Agar Aaba’ wa Ajdaad Be-Aql, Gumrah, Be-hidayat Ya Jahil hain to Unki Ittiba’/Pairvi/Taqleed karna NA-JAYEZ hai.

(Naam Nihaad) Ahle Hadees, Is aayat ko A’imma-e-Araba’h ki TAQLEED, ITTIBA’ wa PAIRVI me Peish Karte hain Goya ke Wo Log A’imma-e-Arba’h ko Be-Hidayat, Gumrah, Be-Aql wa Jaahil maante hain. (Naoozu billah Min Zaalik)

JAYEZ TAQLEED:

Al-Gharz, Aaba’ wa Ajdaad ki Taqleed Qaabil-e-Ta’reef Us Waqt hoti hai Jab ke Wo Haqq par ho.

Chunacha Allah ta’la, Yusuf (alaihis salaam) ke baare me farmaate hain..
“Maine Apne Aaba’ wa Ajdaad Ibraheem, Is’haaq wa Yaqoob ke Deen ki Ittiba’ ki…” [Surah Yusuf: 38]

Doosri Jagah Allah ta’la farmaate hain: “Aur Jo Log Eimaan laaye aur Unki Aulaad bhi Eimaan ke sath Unki Raaah par chali to Hum Unki Aulaad ko bhi (Jannat me) Unke sath kar denge.” [Surah Toor: 21]

Allah Ta’la Hamari Rahnumayi karte hue farmaate hain: “…. (Deen ke Mu’amlaat me) Us Shaqs ke Raaste ki Ittiba’ kar Jisne Meri taraf Rujoo’ kiya hai….” [Surah Luqman: 15]

(Naam Nihaad) Ahle Hadees me shamil Ulema’ wa Juhala’ ko Ye Aayaat Kyon Nazar nahi aati’n..?

Zaahir si baat hai ke In Aayaat ko Peish kiya Jaayega to Unki Daal nahi galne waali.

Al-Gharz, Sabit hua ke Jinke Aabaa wa Ajdaad Haqq ki da’wat ki taraf bulaate hain, Unki Ittiba’ karna Jayez hai aur Jo Allah ke Deen se door karte hain Unki Ittiba’ NA-JAYEZ wa HARAAM hai.

Ghair-Muqallideen! Ko Sharm aani Chahiye ke NA-JAYEZ Ittiba’ waali Aayaat ko to A’imma-e-Araba’h par FIT karte hain aur TAQIYA BAAZI karte hue Unki badi Ta’reef bhi karte hain. Main samajhta hoon ke Ye Taqiya baazi, Muqallideen ko Fareib dene ke liye ki Jaati hai.

Aise Logo’n se Allah ki Panah ho.

Wallaahu Aalam Bis-Sawaab.

Advertisements
This entry was posted in Taqleed and tagged , , , , . Bookmark the permalink.