Ghoron Ki Dum Ki Tarha Namaz Ke Andar Rafulyadein Ke Liye Hath Uthaney Waley Rawafiz Ghermuqallidiyah Ke Sahi Muslim Ki Hadees Par Beja Aur Batil Aitrazat Ke Ilmi Aur Mun Torr Jawabat..!!!

Bismillaahir Rahmaanir Raheem

ALHAMDULILLAH…Humari Pehli Pesh Kardah 2 Riwayaat (1 Tafseer aur 1 Hadees  Ibn Masood Radiallahu Anhu) Par Jo Bedhangey Behooda Beja Aur Fazool Aitrazaat Rawafiz E Ghermuqalldiyah Mulhidah Angreziyah Ki Taraf Se Hue They Unke LAJAWAB HAQ PARAST DANDAN SHIKAN Jawabaat Ka ALJAWAB Likhney Se Fareeq E Mukhalif Bilkul QASIR Raha Hai Aur Inshaallah ALJAWAB Likhney Se Qayamat Tak Qasir Hi Rahega…Bedhangey Behoodah Aitrazat Ko ALJAWAB Nahi Kehtey Humein Usi Mayar Ka Aljawab Chahiye Hai Jis Mayar Ka Humne Jawab Diya Hai Yani 100% THOOS, SAHI Hawalajaat Se Bharpoor Aur MUN TORR…!!!….Lekin…

“Na Khanjar Uthega Na Talwar Insey,
Ye Rafzi Mere Azmaye Hue Hain…!”

AB DALEEL#5 PAR AITRAZ KA JAWAB MULHAIZAH HO:

DALEEL:

“Hazrat Jabir Bin Samrah Rz.A. Farmatey Hain Ke Ek Din Rasul S.A.W Masjid Mein Dakhil Hue Aur Logon Ko Rafulyadein Kartey Dekha To Farmaya : INHONE APNE HATHON KO SHAREER GHORON KI DUMON KI TARHA UTHAYA HAI. TUM NAMAZ MEIN SUKUN IKHTIYAR KARO(Yani Rafulyadein Naa Karo).”
1[SAHI MUSLIM – J#1, P#181],
2[SAHI IBNE HUBAN – J#3, P#178]…Wagherah…!

>TARZ E ISTADLAL:

Is Hadees Mein Sirahat Hai Ke Nabi Pak S.A.W Ne Namaz KE ANDAR Rafulyadein Karney Walon Ko Dekha To NARAZ Hue Aur Inhein SUKUN Ikhtiyar Karney Ka Hukum Diya Malum Hua Ke Rafulyadein Sukun Ke Khilaf Hai, Aur SURAH MOMINOON Ki TAFSEER Mein Bhi Hazrat Ibne Abbas Rz.A. Ne Rafulyadein Ko Sukun Ke Khilaf Bataya Hai. Lihaza Ye Hadees Sirahatan Tarkrafulyadein Ki Buhat Bari Daleel Hai.

>>>RAWAFIZ KE MOJUDA BAAP ZUBAIR ALI ZAYI MATROOK O KAZZAB KE AITRAZAT O DHOKA DAHI KE JAWABAAT :

AITRAZ#1:

ZUBAIR KEHTA HAI:
“Is Hadees Mein Ruku Se Pehley Aur Ruku Ke Baad Waley Rafulyadein Ka Zikar Nahi.”

Al-Jawab:

Ye Aitraz Batil O Mardood Hai Kyunke…

AWALAN….Humara Dawa Hai Ke Namaz Ke Andar Kahin Bhi Rafulyadein Naa Kiya Jaye, Bhaley Wo Ruku Wala Ho Ya Sajde Wala. Ye Hadees NAMAZ KE ANDAR Kiye Jane Wale Sarey RAFULYADEIN Ko Sirahat Se MANSOOKH Kardeti Hai Phir Bhaley Wo Ruku Se Pehley Aur Baad Wala Ho Sajdey Wala Ho Ya 2sri 3sri Aur 4ti Raka’at Ke Shuru Wala Ho Kyunke Is Hadees Mein Rasul S.A.W Ne USKUNU FIS SALAH(Namaz Ke ANDAR Sukun Ikhtiyar Karo) Ka Lafz Istemal Kiya Hai,Jissey NAMAZ KE ANDAR Ke Sarey Rafulyadein Ki Khud Ba Khud NAFI Hojati Hai Alag Alag Jaga Ka Naam Lekar NAFI Karneki Zarurat Nahi Rehti.

WASANIYAN…. Humari Baat Ki Tayid Naamwar Muhadiseen Bhi Kartey Hain Chunacha Mashoor Muhaddiseen IMAM ZELA’I R.A. Aur IMAM BADARUDDIN A’ENI R.A. (Shareh Bukhari) Dono Farmatey Hain :

“…Ye Alfaz USKUNU FIS SALAH (Namaz Ke Andar Sukun Ikhtiyar Karo) Aisey Shakhs Ko Kahey Jatey Hain Jo Doraan E Namaz Rafulyadein Karraha Ho Aur Ye Halat Ruku Ya Sujood Waghera Ki Hi Hoti Hai.”

1 [Nasbur Ra’ya Liz Zela’i – J#1 P#472]
2 [Sharah Sunan Abi Daud Lil A’eni – J#3, P#29]

…Lihaza Zubair Rafzi Ka Ye Aitraz Khud Zubair Matrook Ki Batil Parasti Ki Khuli Daleel Hai….!!!

AITRAZ#2:

Zubair Raag Alapta Hai….Ke:

1: HAZRAT SHEIKH UL HIND MEHMOODUL HASAN DEOBANDI ALHANAFI R.A. NE [Alwirdush Shazi Sharah Tirmizi – P#63] MEIN….
..…Aur…..
2: MUFTI TAQI USMANI D.B. NE [Dars E Tirmizi] MEIN……IS HADEES SE AHNAF KA ISTADLAL “INSAAF KE KHILAF” Aur “KAMZOR” BATAYA HAI.
{Dono Buzurgon Ki Asal Ibaraat Ghermuqallidon Ke Uppar Diye Gaye Post Mein Mulahiza Farmalein.}

Al-Jawab:

Ye Jo Kuch Kaha Gaya Hai Mehaz Dafa’ul Waqti Ka Samaan Hai Aur Kuch Nahi..Kyunke…

AWWALAN…..Zubair Ali Zayi Matrook O Kazzab Rafzi Ne Ye Nahi Bataya Ke In Dono Buzurgon(Sheikhul Hind R.A. Aur Mufti Taqi D.B.) Ka SARIH, SAAF Aur DOTOK Muaqqif TARK RAFULYADEIN Ka Hi Hai Yani Tarkrafulyadein Mein Ye Dono Hazaat Humarey Hi Sath Hain{Dekhiye “Adilla E Kamliah” Aur “Dars E Tirmizi”}. Lekin Zubair Rafzi Ne Ye Batana Munasib Naa Samjha Warna Mosoof Ka “BHANDA” Phoot Jata.

WASANIYAN…..Zubair Ali Zayi Ne Khoob Raag Alapa Hai Ke In Dono Hazraat Ne Is Hadees Ko Daleel Nahi Banaya (Jabke Hazrat Mufti Taqi Usmani D.B. Ne Is Hadees Ko Daleel Maan Liya Hai, Tafseel Agey Arahi Hai…!)…Arz Ye Hai…Ke Agar Bilfarz In Dono Hazraat Ne Is Hadees Ko Daleel Nahi Bhi Banaya To Kia Hua? Dusrey Deegar Namwar Aur Barey Barey Muhaqiqeen O Muhadiseen Ne To Isko Daleel Banaya Hai…!

Chand Hawaley Mulhaiza Hon:

1) Humara Manna Hai Ke HAZRAT IMAM E AZAM ABU HANIFA R.A. Ne Isi Hadees Ki Bina Par Rafulyadein Fis Salah Ko Tark O Mansookh Mana Hai…Chunancha Muhadis E Kabeer Imam Mulla Ali Qari (Jinko Ghermuqallid Nawab Siddiq Hasan Khan Ne ALLAMA Aur SHEIKH Ke Alqabat Se Nawazah Hai Dekhiye NUZUL ALABRAR) Yahi Farmatey Hain :

“Muslim Mein Mojud Hadees E Jabir Bin Samrah Rz.A. Ki Waja Se Hi Imam Abu Hanifa R.A. Ke Nazdeek Takbeer E Tehreemah Ke Siwa Kahin Bhi Rafulyadein Nahi.”
[Mirqaat Sharah Mishqaat – J#2 P#504]

*Kisi Aur Ko To Choriye Khud Imam E Azam R.A. Ne Bhi Yaqeenan Isi Hadees Ko Daleel Banakar Rafulyadein Ba’ad Takbeer E Tehreema Ko Tark O Mansookh Mana Hai, Jesa Ke Imam Ali Qari R.A. Ne Bhi Is Baat Ko Wazeh Kia Hai, Lihaza Choton Ka Daleel Naa Banana Koi Nuqsan Ki Baat Hargiz Nahi…Alhamdulillah!

{Ab Sirf Muhaddis Ka Naam Aur Hawala Diya Jaraha Hai Jahan Usne Is Hadees Se Istadlal Kia Hai…Mulahiza Farmayein…}

2) IMAM ABU ALHASAN ALQUDURI R.A. = [AL TAJREED – J2, P519].

3)
IMAM A’ENI R.A. = [SAHARAH SUNAN ABI DAUD – J3, P29]

4) IMAM MULLA ALI QAI R.A. = [FATAH BAABUL ‘INAYAH]

5) IMAM MOHEMMED ALI BIN ZAKARIYA ALMUNBAJI R.A. = [ILALBAAB FIL JAMA BAENUS SUNNAH WAL KITAAB – J1, P256]

6) HAZRAT MOHEMMED YAQUB NANOTVI R.A. = [E’LA ASSUNAN Az
USMANI – J3, P56]

7) MUALIF “FAZAIL E AMAL” SHEIKHUL HADEES ZAKARIYAH KANDHALVI
R.A. = [AUJAZUL MASALIK – J2, P66]

8)
ALLAMA SHABBIR AHMED USMANI R.A. = [FATAHUL MULHIM – J3, P317]

9) ALLAMA ZAFAR AHMED USMANI R.A. = [E’LA ASSUNAN – J3, P56]

10) SHEIKH MOHEMMED ABDULLAH BIN MUSLIM ALBEHALWI R.A. = [ADILLA E HANAFIYAH – P167]

11) IMAM SARFARAZ KHAN SAFDAR R.A. = [NURUS SABAH (Kyunke Inhone Derwi Sahib Ki Is Kitab Ki Taqreez Likhi Hai Jabke Derwi Sahib Ne Isi Kitab Mein Ye Hadees Bator E Daleel Pesh Ki Hai,Lihaza Imam Sarfaraz Bhi Is Daleel Ke Qayil Hue.)]

12) HAZRAT YUSUF LUDHIYANVI SHAHEED R.A. = [IKHTILAF E UMMAT AUR SIRAT E MUSTAQEEM,JILD#2]

13) HAZRAT AMEEN SAFDAR OKARVI R.A. = [TAJALLIYAT E SAFDAR- J2, P313]

14) HAZRAT HAFIZ HABIBULLAH DERWI D.B. = [NURUS SABAH]…Waghera…!

15) Hanafiyon Ke Ilawa Malikiyon Ne Bhi Is Hadees Se Tark Rafulyadein Mein Daleel Pakri Hai Chunacha HAZRAT QAZI AYAZ MALIKI R.A. NE [La Kamal Ul Mualim Bafawaid Muslim – J#2 P#344]……MEIN ISI HADEES E JABIR RZ.A. SE DALEEL PAKRI HAI AUR HAQ KA SATH DIYA HAI.

>Ye Chand Naam They Un Barey Barey Ahnaaf Muhaddiseen Ke Jinhoney Is Hadees Se Istadlal Farmaya Hai..Aur To Aur Khud Hazrat Imam Abu Hanifa R.A. Ne Bhi Isi Hadees Ki Bina Par Rafulyadein Ko Mansookh Jana Hai Jesa Ke Hawala#1 Pe Humne Bataya Hai…!

To Janab Zubair Ali Zayi Rafzi Matrook O Kazzab Sahib Aur Zubair Ke Muqallidon TUM Sirf SHEIKHUL HIND R.A. Ke GHER MUFTA BIHI Fatwey Ki Bina Par Hi Uchal Kood Kartey Rahogey Ya Insano Ki Tarha Dusrey Barey Barey Muhadiseen Ki Taraf Bhi Apni Nigah E Batil Lekar Jaogey Jinka Humne Upper Bahawala Zikar Kia Hai??? Kaho Akhir Majra Kia Hai??? Kyun Tumne Apne Aitraz Mein In Muhadiseen Ka Zikar Nahi Kiya Jinhone Is Hadees Ko TARK RAFULYADEIN Ki Daleel Banaya Hai??? Khair!!!! Tumhari Afiyat Bhi Isi Mein Thi,Warna Dholl Ka Poll Jo Khul Jata!!!

>AUR SAHI MUSLIM Mein Dar Asal Jabir Bin Samrah Rz.A. Se 2 Alag Ahadees Mein 2 Alag Waqiyaat Marwi Hain Ek Hadees TAMYUM BIN TARFA Ke Tareeq Se Hai Jis Mein RAFULYADEIN Ki NAFI Hai Jo Humari Daleel Hai Aur Dusri Hadees UBAIDULLAH BIN ALQUBTIYAH Ke Tareeq Se Hai Jis Mein SALAM KE WAQT ISHAREY Ki NAFI Hai (HUMARA DONO AHADEES PAR AMAL HAI),Ghermuqallidon Ka Dono Waqiyat Ki Alag Alag Ahadaees Ko Apney Qayas Se Ek Batana Theek Nahi Jesa Ke Dalail Se Sabit Hochuka Hai…ALHAMDULILLAH!…..Yaad Rakhiye! Humari Pesh Kardah Hadees Mein FIS SALAH Ka Lafz Hai Ruku Ka RAFULYADEIN, FIS SALAH Hota Hai Jabke SALAM, FIS SALAH Nahi Hota Balkey KHARIJ AS SALAH Hota Hai Lihaza Dono Ahadees Bilkul Alag Hain, Dono Ko Ek Gardanna Sarih Dhoka Aur Nira Weham Hai! (IS BAREY MEIN MAZEED JANNEY KE LIYE AKHIR MEIN “NOTE” ZARUR PARHEIN!)

Khair!!! ALLAH Hidayat De Tum Ko, Hidayat Deney Wala To ALLAH Hi Hai Aur Kon Hai,! Nahi To Kam As Kam Humarey Jawab Ka Aljawab Likhne Ki Himmat Hi Dedey! (Ameen!)…! 🙂

>>> HAZRAT MUFTI TAQI USMANI D.B. KA RUJU’:

*Ek Khushkhabri Ye Bhi Hai Ke Jis Mufti Taqi Usmani Ka Naam Lekar Tum Rawafiz Ne Aitraz Kiya Tha Unhone Apne Sabiqah Tehqeeq Se Ruju Farmaliya Hai,,,Chunancha Mufti Taqi Usmani D.B. Ne TARK RAFULYADEIN Ke Dalail Par Mushtamil Ek Tehreer Ki TASDEEQ Kartey Hue “ALJAWAB SAHIH” Likha Hai,Jabke Us Tehreer Mein Isi JABIR BIN SAMRAH Rz.A. Wali Hadees Se Istadlal Kia Gaya Hai…Subhanallah!!! Yani Hazrat Ne Apni Sabiqah Tehqeeq Se RUJU’ Farmaliya Hai Kyunke Pehley Aap Is Hadees Ko Daleel Nahi Banatey They Jesa Ke Rawafiz Bhi Isi Par Uchaltey Hain Lekin Ab Is Hadees Ko Tasleem Karlena Aapke Ruju’ Farmaleney Ki Khuli Daleel Hai.

Mazeed Mazedar Baat Ye Ke Iska Aitraf Khud Zubair Ali Zayi Matrook O Kazzab Ko Bhi Hai Chunancha Wo Likhta Hai :

“…Murry Se Tajammul Husain Sahib Ne Ek 4 Warqi Pumflit Masla E Rafulyadein Ke Unwan Se Bheja Hai, Jisey Kisi Dost Mohemmed Mazari Deobandi Ne Likha Hai Aur Mohemmed Rafi Usmani Deobandi Ne Is Pumflit Ki Tasdeeq Ki Hai, Naiz MOHEMMED TAQI USMANI, Mohemmed Abdul Mannan Aur Abdur Rauf Waghera Ne ALJAWAB SAHIH Likh Kar Us Par Mohrein Lagayi Hain.”
Bahawala : [ALHADEES 93 – P#11]

*Subhanallah! Molana Mazari Ke Pumflit Par MUFTI TAQI USMANI SAHIB Ki MOHAR O DASTAKHAT Ka Aitraf Jab Khud Zubair Ali Zayi Matrook O Kazzab Ne Karliya To Phir Unki Sabiqah Tehqeeq Se Zubair Ne Dubara Aitraz Kia Hi Kyun??? Kia Ye Insaaf Ka Khoon Nahi??? Kia Ye Intishar O Jhoot Phelaney Ki Sazish Nahi??? Aur Phir Dusrey Ghermuqallidon Ke Liye Bhi Baar Baar Mufti Sahib Ki SABIQAH Tehqeeq Ko Uchalneki Koi Waja Baqi Rehjati Hai??? Hargiz Nahi!!!

*Isi Tarha Humein Yaqeen Hai Ke SHEIKHUL HIND R.A. Ne Bhi Apni Tehqeeq Se Zaroor Ruju’ Farmaliya Hoga Kyunke Un Hi Ke Shagird Is Hadees Se Itadlaal Kartey Hain, Jesa Ke Humney Upper Kuch Naam Bahawala Dikhadiye Hain! Aisa Ustad Ki Ijazat Se Bhi Hosakta Hai…Wallahu A’lam Bissawab!

Allah In Dhokey Baazon Ke Dhokey Se Har AHLE SUNNAT WAL JAMA’AT Ko Mehfooz Rakhey…(Ameen!).

>Umeed Hai Hamesha Ki Tarha Ghermuqallid Rawafiz Ko Apney Beja, Behuda, Bedhangey, Bekar Aur Fazool Aitrazaat Ka KAFI O SHAFI Jawab Milgaya Hoga…Hum Aljawab Ke Muntazir Rahengey Aur Ghermuqallid Rawafiz Se Appeal Kartengey Hain Ke Wo Apney MOJUDA BAAP ZUBAIR ALI ZAYI MATROOK O KAZZAB Se Humarey MAYARI JAWAB Ka MAYARI ALJAWAB Humein Lakar Dein…Lekin Inshaallah Rafzi Baap Aur Uski Rafzi Aulad Qayamat Tak ALJAWAB Laney Se Qasir Rahegi…Inshaallah!!!

Note: Muslim Mein Jabir Bin Samrah R.Z.A Se 2 Ahadees Hain.. Hum Kisi Naye Post Mein Un Dono Ahadees Ke Darmiyan Farq Ko Tafseel Se Wazeh Karengey Yahan Maqsad Sirf Ghermuqallidon Ke Khaas Post Waley Aitrazat Ka Jawab Dena Tha….Lihaza Jo Aitrazat They Unka Jawab Hogaya Agar Uske Sath Dono Ahadees Ke Darmiyan Farq Ko Bhi Mila Liya Jata To Jawab Behad Lamba Hojata Aur Wo Theek Nahi..Parhney Waley Ukta Jatey Lihaza Kisi Dusrey Post Mein Hum Tafseel Se Un 2 Alag Alag Ahadees Ke Farq Ko Wazeh Karkey Aapke Samney Rakhdengey…Inshaallah!!!

Aztaraf: Mohemmed Bilal Ahmed Hanafi [Ex-GherMuqallid Rafizi]

From: Karachi, Pakistan

Advertisements
This entry was posted in Namaz, Rafaulyadain and tagged , , , , , , . Bookmark the permalink.