Imam-e-Aazam Abu Hanifa Rahimahullah aur Kuch Haqaiq

Bismillaahir Rahmaanir Raheem

Al-Qur’an:

Allah Ta’ala ka Irshade girami hai, “Muhaajireen-o-Ansaar me sabqat karne wale aur wo log jo unki Itteba karte hai acche tareeqe par, Allah Ta’ala unse Raazi hai aur wo Allah se Raazi” [Taubah: 100]

Tashreeh: Sahaaba Ikraam (Radiallahu Anhum) ka Mea’yaare Haq hona to roze roshan ki tarah wazeh hai, is Ayat-e-Kareema me Sahaaba Ikraam (Radiallahu Anhum) ke Muttaba’een ke baare me bhi elaan hai ke Allah unse raazi he aur wo Allah se raazi hai. Wallazeenat taba’oohum ke misdaaqe awwal Hazraat Taba’een hai aur ye baat bhi musallam hai ke Imame Aazam Abu Hanifa Numaan Bin Sabit Rehmatullah Alayh Taba’ee hai.

Aimma-e-Ikraam ki Tasreehaat:

1# Imam Muhammab Bin Ishaaq Ibn Nadeem Rahimatullah farmate hai, “Imam Abu Hanifa Rahimatullah Taba’een me se the, Muta’addad Sahaba IKram se unki mulaqat hui.”

[Al-Fehrist lil Ibne Nadeem, Pg:298]

2# Imam Ibne Kaseer Rahimatullah farmate hai, “Imam Abu Hanifa Rahimatullah ne sahabae kiraam ka daur paaya hai, aur Sahabie Rasul Hazrat Anas Bin Malik Rad. ki ziyarat bhi ki hai.”

[Al-Bidayah Wan Nihayah, Jild;10 Pg:107]

3# Imam Ibne Abdul Barr Maaliki Rahimatullah farmate hai, “Imam Abu Hanifa Rahimatullah ne Hazrat Anas bin Malik Aur Hazrat Abdullah Bin Al Haaris Rad. ki ziyarat ki aur unse hadeese mubarak ko suna bhi he.”

[Jamia Bayanul Ilm, Jild:1 Pg:45]

4# Allamah Zahbi Rahimatullah farmate hai, “ye baat saheeh taur par sabit hai ke Imam Abu Hanifa Rahimatullah Hazrat Anas Rad. ko dekha hai.”

[Manaaqibul Ahkaam Abi Haneefah Wa Sahibayh, Pg:7]

Allah Taala hum sab ko Sahaba Ikraam, Taba’eene Uzzaam aur Auliyaa Allah ki taleemaat par amal ki taufeeq bakhshe. Aameen.

Hadees:

Nabi Kareem Sallallahu Alaihi wasallam ka irshaad hai ke, “Agar Imaan suraiyya ke paas bhi ho to kuch mard ya unme se ek mard usko haasil karlega.”

[Bukhari Jild: 2 Pg:727]

Tashreeh: Jab Ayat-e-kareema “Wa Aakhareena minhum Lammaa yalhaqoo bihim” nazil hui to Sahabae Kiraam Rizwanullahi Alaihim Ajmaeen ne sawal kiya ke Aye Allah Ke Rasool Sallallahu Alaihi wasallam! Isse kaun log muraad hai? Raavi kehte hai ke saa’il sawal ko ek do martabah dohraya to Aap Sallallahu Alaihi Wasallam ne Hazrat Salmaan Faarsi Radiallahu Anhu ke kandhe par haath rakh kar mazkurah baala Hadees irshad farmai. Bukhari ke alawa Musnad Ahmad aur Mavaariduz Zamaan wagairah me isse milte julte alfaaz se manqul hai.

1# Imam Siyuti Shafaee Rahimatullah farmate hai, “Is Hadees (jisko Abu Nuaim ne Hilyah me zikr kiya hai) me Aap Sallallahu alihi wasallam ne Imam Abu Hanifa Rahimatullah ki basharat di hai.

[Tabyeezus Saheefah Pg:3]

2# Imam Ibne Hajar Makki Shafaee Rahimatullah farmate hai, “Is Hadees se Imam Abu Hanifa Rahimatullah ka murad hona bilkul zahir hai aur isme koi shak nahi.”

[Al-Khairaatul Hisaan Pg:13]

Imam-e-Aazam Abu Hanifa Rahimatullah aisi azeemul martabat shalhsiyat he jinke baare me ahadeese mubarakah me pesheengoi maujud hai. Allah hum sabko Ahaadees ke muqtazaa aur manshaa par chalne ki taufeeq ataa farmaye. Aameen Yaa Rabbal Aalameen.

Mazeed Mal’oomaat  ke Liye Dekhye:

1.  Maqam-e-Abu Hanifa (Rahimatullah)

Read Online

Download

2. Imam Abu Hanifa (Rahimatullah) Ki Tabiat

Read Online

Download

Min-Jaanib: Muhammed Unais

Advertisements
This entry was posted in Akaabir-e-Ummat and tagged , . Bookmark the permalink.