Fazail-e-A’maal Likhte Waqt Kya Maulana Zakarriya (rahimahullah) Pagal Ho Gaye The?

Bismillāhir Rahmānir Raheem (26-12-2015)

Aitrāz:-

Ex-Mujaawar Me’raj Rabbani Jis ko Qur’an tak Sahih se parhna nahi aata unhoney Tableeghi Nisaab “Faza’il-e-Aa’maal” Ke Musannif Shaykh Zakariyyah (rahimahullah) per apne Ek bayaan me apni Baazaari Zubaan ka iste’maal karte hue Ye Ilzaam lagaaya tha ke, Faza’il-e-A’maal likhte waqt “Unka Dimaagh Kharaab ho gaya tha.”

Aur Ye Khud ka Garha hua Ma’na Maulāna ki us Ibaarat se ukhaz kiya Jo Risaalah Hikayat-e-Sahāba (raziallahu anhum) Ki Tam’heed me likha hua hai.
“Safar 1357 Hijri Me Ek Marz Ki Wajah Se Chand Roz Ke Liye DIMAAGHI KAAM Se Rok Diya Gaya Toh Mujhe Khayal Hua Ke In Khaali Aiyaam Ko Is Ba-barkat Masghalah Me Guzaar Doon Ke Agar Ye Auraakh Pasandi Khatir Naa Hue Tab Bhi Mere Ye Khaali Auqaat Toh Behtareen Aur Ba-barkat Mashgalah Me Guzar Hi Jayenge.”

Phir har taraf Ye Shor machaa diya gaya ke Faza’il-e-A’maal likhte waqt Maulana Pāgal ho gaye the wagherah wagherah. (Naoozu billah Min Zaalik)

SACHHAAYI:
Asal Haqeeqat to Ye thi ke Maulāna ko NAKSEER (Naak se Khoon behne) ka marz hua tha.

Wo likhte hain: “Safar 1357 Hijri me……………. Meerut me Nakseer ka shadeed Hamlah hua Jo Maghrib ke ba’d shuroo’ ho kar Subah 8 baje tak musalsal raha aur Taqreeban 2 Gharay ke Qareeb Khoon saari Raat Na-ma’loom kaha se Paida hua aur Nakseer ki ibtida’ bhi apni Ek Himaaqat se Jo Hazrat Madni Quddus Surrah ki Be-Takallufi ki bina’ per paida hui thi, Lambah Qissah hai………..”

Neiz likhte hain: “First-Class Doctoro aur Hakeemo ki taraf se chand Maah tak Dimaaghi Kaam se rok diya gaya.[Aap Beeti, Jild: 1/ Safha: 137-138]

Scan:

image

Nakseer ki wajah se Doctors ne rok diya tha na ke Shaykh (rahimahullah) Pāgal hue the.

Ab Ek aur Haqeeqat se bhi aagaah karna zaroori hai ke, Faza’il-e-A’maal Kayi Rasā’il ka Majmua hai Jo alag alag Auqaat me likhi gayi thi’n…

Faza’il-e-Qur’an – Zilhijjah, 1348 Hijri

Fazail-e-Namaz – Muharram, 1358 Hijri

Faza’il-e-Zikr – Shawwal, 1358 Hijri

Faza’il-e-Durood – Zil-Hijjah, 1360 Hijri

Faza’il-e-Tableegh – Safar, 1350 Hijri

Faza’il-e-Ramazan – Ramazan, 1349 Hijri

Aur Sirf HIKAYAT-E-SAHAABA Likhi gayi Shawwal, 1357 Hijri me

Ab batāyei’n ke Hikāyat-e-Sahāba me Kis waqea per Aitrāz hai…?

Agar Nahi to Phir Ye Hamāre Shaykh (rahimahullah) ki KARAAMAT samjhei’n ke BEEMAARI ki hālat me bhi aisa Risālah likha hai.

Agar Me’raj Rabbani ne Tehqeeq ki hoti to Itni Zillat na Uthaani padti.

Faza’il-e-A’maal Ke Waqeat Doosre Mustanad Ulema’ Ki Kitaabo’n se Naqal kiye gaye hain. Asal Aitraaz to Un per hona chahye tha magar Aisa karenge to FITNAH kaise phailayenge…?

Min-Jānib:

Sameer Mughal

Advertisements
This entry was posted in Uncategorized and tagged , , , , , . Bookmark the permalink.

One Response to Fazail-e-A’maal Likhte Waqt Kya Maulana Zakarriya (rahimahullah) Pagal Ho Gaye The?

  1. Pingback: Faza’il-e-A’maal Per Aitraaz: Hanzala (raziallahu ta’ala anhu) Ke Waqea Me Tazaad Ka Jawaab | Amr – bil-maroof-wa- nahi -anil – munkar .

Comments are closed.